आज राति १२ बजे नै सक्किने भनिएको निषेधाज्ञा १२ गते मध्यरातसम्म थपिएको छ

जिल्ला प्रशासन कार्यालय चितवनले जिल्लामा एक हप्ताका लागि फेरिपनि निषेधाज्ञा थप गरेको छ ।

यसै अनुसार ५ गते राति १२ बजे सम्म हुने भनिएको निषेधाज्ञा १२ गते राति १२ बजे सम्म थपिएको छ |

जिल्लामा कोरोना संक्रमण वढ्दै जाँदा साउन ३० गते मध्यरात देखि भरतपुर महानगरपालिका र जिल्लाका अन्य पाँच स्थानीय तहमा निषेधाज्ञा जारी गरिएको थियो ।

स्थानीय तहको सिफारीसमा गरिएको निषेधाज्ञा आज मध्यराती सकिदै छ । निषेधाज्ञाको समय सकिन लाग्दा एक साताका लागि निषेधाज्ञाको समय थप गरिएको प्रमुख जिल्ला अधिकारी नारायण प्रसाद भट्टराईले बताउनुभयो । 

भरतपुर महानगर संगै रत्ननगर, कालिका, खैरहनी, राप्ती नगरपालिका, माडी नगरपालिका र इच्छाकामना गाउँपालिकामा निषेधाज्ञा जारी गरिएको छ । स्थानीय प्रशासन ऐन, २०२८ को दफा ६ को उपदफा ९३० बमोजिम जिल्लाभर लागू हुने गरी निषेधाज्ञा जारी गरिएको हो ।