चितवनमा सरकारी र निजि अस्पतालमा गरि थप ४ जनाको एकै दिन मृत्यु

लगातार दैनिक रुपमा २/३ जनाको मृत्यु भैरहेको चितवनमा आजपनि अहिले (मध्यान्ह) सम्म ४ जनाको कोरोना संक्रमणबाट मृत्यु भएको छ |  भरतपुर  अस्पताल चितवनले बिज्ञप्ति निकाल्दै तिनजनाको मृत्यु भएको जानकारी दिएको छ |

भरतपुर महानगरपालिका ११ का ६५ बर्षीय पुरुष सहित खैरेनी १३ निवासी ५५ बर्षिय महिला र भ म न पा ११ कि १८ वर्षीय महिलाको अस्पतालमा उपचारको क्रममा मृत्यु भएको जानकारी दिएको छ |

अस्पतालको बिज्ञप्तिमा जनाइए अनुसार तिनै जना बिरामीको अस्पताल आउने क्रममा नै श्वासप्रश्वासमा र रगतमा अक्सिजनको मात्रा कम रहेकोले तिनै जनालाई तत्कालनै ICU VENTILATOR मा राख्नुपर्ने भएकोले र अस्पतालमा ICU बेड र Ventilator नभएकोले मृत्यु भएको पनि जनाएको छ |

अस्पतालमा रिफर गर्नको पूर्ण रुपमा समन्वय गर्न गराउन पनि निजि अस्प्ताल्हारुलाई अनुरोध गरेको छ |

  

त्येसैगरी चितवन मेडिकल कलेज (सीएमसी) हस्पिटलमा पनि आजनै मकवानपुरको हेटौंडा उपमहानगरपालिका–१५ का ५८ वर्षीय पुरुषको  विहान २ः५२ बजेको समयमा मृत्यु भएको अस्पतालले जनाएको छ |

यसरी दिनप्रतिदिन मानिसहरुको मृत्यु भएकाले निकट भविस्यमै यसले बिकराल रुप लिन सक्ने जानकारहरु बताउँछन् |